కావలి మున్సిపల్ చైర్మన్ ఎన్నికల్లో అనూహ్య పరిణామం.. రెబల్ అభ్యర్థిగా బొట్లగుంట శ్రీహరి నాయుడు నామినేషన్...

​కావలి, మేజర్ న్యూస్ :    కావలి మున్సిపాలిటీ ఎన్నికల నేపథ్యంలో పట్టణ రాజకీయాల్లో ఆసక్తికర పరిణామం చోటుచేసుకుంది. తెలుగుదేశం పార్టీ సీనియర్ నాయకులు, రైతు సంఘం నేత బొట్లగుంట శ్రీహరి నాయుడు ఆదివారం మున్సిపల్ చైర్మన్ పదవికి రెబల్ (స్వతంత్ర) అభ్యర్థిగా తన నామినేషన్ దాఖలు చేశారు. ఆయనతో పాటు మరో ఇద్దరు అభ్యర్థులు కూడా చైర్‌పర్సన్ పదవి కోసం నామినేషన్లు వేశారు.  
​పార్టీ ఆవిర్భావం నుండి క్రియాశీలక పాత్ర:  
తెలుగుదేశం పార్టీ ఆవిర్భావం నాటి నుండి పార్టీలో కొనసాగుతూ, సమర్థవంతమైన నాయకత్వాన్ని అందిస్తున్న బొట్లగుంట శ్రీహరి నాయుడుకు ముసునూరు మరియు చుట్టుపక్కల ప్రాంతాల్లో బలమైన పట్టు ఉందని స్థానిక వర్గాలు పేర్కొంటున్నాయి. రైతు సంఘం నాయకుడిగా కూడా ఆయనకు స్థానికంగా మంచి గుర్తింపు ఉంది.
​కూటమి అంచనాలపై ప్రభావం ఉంటుందా...?:
బొట్లగుంట శ్రీహరి నాయుడు స్వతంత్ర చైర్మన్ అభ్యర్థిగా నామినేషన్ వేయడం కావలి రాజకీయ వర్గాల్లో చర్చనీయాంశంగా మారింది. ఒకవేళ ఆయన నామినేషన్ ఉపసంహరించుకోకుండా చివరి వరకు బరిలో నిలిస్తే, తెలుగుదేశం నేతృత్వంలోని కూటమి ఓట్లపై కొంత మేర ప్రభావం పడే అవకాశం ఉందని రాజకీయ విశ్లేషకులు అంచనా వేస్తున్నారు.
​నామినేషన్ల ఉపసంహరణ గడువు ముగిసే సమయానికి పార్టీ అధిష్ఠానం బుజ్జగింపులు ఫలిస్తాయా లేక శ్రీహరి నాయుడు పోటీలోనే కొనసాగుతారా అన్నది వేచి చూడాలి.