డ్రీమ్ వేవ్ పాఠశాలలో ఘనంగా బాలల దినోత్సవ వేడుకలు

సంగారెడ్డి ; డ్రీమ్ వేవ్ పాఠశాలలో బాలల దినోత్సవ వేడుకలను ఘనంగా నిర్వహించారు. పాఠశాల ప్రిన్సిపల్ రమేష్ గౌడ్ ఆధ్వర్యంలో జరిగిన ఈ వేడుకల్లో విద్యార్థులు ఉత్సాహంగా పాల్గొన్నారు. ఈ సందర్భంగా బాలల దినోత్సవ ప్రాముఖ్యతను వివరిస్తూ, భారత తొలి ప్రధాని పండిట్ జవహర్‌లాల్ నెహ్రూ జయంతిని పురస్కరించుకుని ఆయన సేవలను స్మరించుకున్నారు.విద్యార్థులలో దాగి ఉన్న ప్రతిభను వెలికితీసేలా వివిధ సాంస్కృతిక కార్యక్రమాలు నిర్వహించారు. విద్యార్థుల ఆటపాటలు, నృత్యాలు, సందడి కార్యక్రమాలు అందరినీ ఆకట్టుకున్నాయి. చిన్నారుల ముఖాల్లో చిరునవ్వులు నింపుతూ వేడుకలను ఆనందోత్సాహాల మధ్య జరుపుకున్నారు.