ఎన్నికల ఏర్పాట్లపై కలెక్టర్ ఆగ్రహం

సర్పంచ్ ఎన్నికల నామినేషన్ ఏర్పాట్లపై కలెక్టర్ సిరి అధికారులపై తీవ్ర ఆగ్రహం వ్యక్తంచేశారు.ఆదివారం మండల ఫరిదిలోని కప్పట్రాళ్ల, కుంకనూరు గ్రామాలలోని ఎన్నికల నామినేషన్ కేంద్రాలను ఆమె ఆకస్మిక తనిఖీలు చేపట్టారు.కప్పట్రాళ్లలో కేవలం ఒక్క సహాయక కేంద్రం ఉండటాన్ని చూసి మరియు అక్కడ కనీస సదుపాయాలు లేకపోవడంతో ఆమె మండి పడ్డారు.అందరూ ఒకే సమయంలో నామినేషన్ వేసేందుకు వస్తే ఏ విధంగా విధులు నిర్వహిస్తారని ప్రశ్నించారు. ఎన్నికల విధుల గురించి మీకు చెప్పలేదా ఇంత నిర్లక్ష్యమా అంటూ నిలదీశారు.అన్ని ఏర్పాట్లు చేశామని బిల్లులు పెట్టుకుంటారు కదా అరగంటలో ఇక్కడ మరో మూడు సహాయ కేంద్రాలు ఏర్పాటు చేయాలని సూచించారు.నిర్లక్ష్యం పట్ల యంపీడిఓ జ్యోతిపై చర్యలు తీసుకోవాలని అలాగే పంచాయతీ కార్యదర్శి ని సస్పెండ్ ఆదేశాలు జారీ చేయాలని పత్తికొండ ఆర్డీఓ ఓబులేష్ కు సూచించారు.