telangana
గుడుంబాపై ఎక్సైజ్ అధికారుల దాడులు.. 14 లీటర్ల గుడుంబా స్వాధీనం
సూర్య, పెంచికల్పేట్: పెంచికల్పేట్ మండలంలోని లోడుపల్లి గ్రామంలో ఎక్సైజ్ సీఐ మేఘమాల ఆదేశాల మేరకు ఎక్సైజ్ ఎస్సై సందీప్ ఆధ్వర్యంలో గుడుంబా పై దాడులు నిర్వహించారు. ఈ దాడుల్లో 14 లీటర్ల గుడుంబాను స్వాధీనం చేసుకున్నారు.ఈ సందర్భంగా గుడుంబా తయారీ, విక్రయాలకు పాల్పడుతున్న జరుపుల గోపాల్, అజ్మీరా లలిత, జరుపుల లక్ష్మిపై కేసులు నమోదు చేసినట్లు తెలిపారు. గ్రామాల్లో అక్రమంగా గుడుంబా తయారీ, విక్రయాలకు పాల్పడితే కఠిన చర్యలు తీసుకుంటామని ఎక్సైజ్ ఎస్ఐ సందీప్ హెచ్చరించారు.ఈ దాడుల్లో ఎక్సైజ్ ఎస్సై సందీప్తో పాటు సిబ్బంది రాజేంద్రప్రసాద్, మహేష్, వెంకటరాజు పాల్గొన్నారు.