అట్లూరు మండల అధ్యక్షురాలిగా పాలకొండు లక్ష్మీదేవి ప్రమాణస్వీకారం
అట్లూరు, మేజర్ న్యూస్: కడప జిల్లా అట్లూరు మండల పరిషత్ (ఎంపీపీ) నూతన అధ్యక్షురాలిగా పాలకొండు లక్ష్మీదేవి గురువారం అట్టహాసంగా ప్రమాణస్వీకారం చేశారు. స్థానిక మండల పరిషత్ కార్యాలయంలో ఏర్పాటు చేసిన ప్రత్యేక కార్యక్రమంలో అధికారులు ఆమెతో ప్రమాణస్వీకారం చేయించారు. అనంతరం నూతన అధ్యక్షురాలు పాలకొండు లక్ష్మీదేవి, మండల టిడిపి యువ నాయకుడు పాలకొండు రాజశేఖర్ రెడ్డి దంపతులకు స్థానిక నాయకులు ఘన స్వాగతం పలికారు. తెలుగుదేశం పార్టీ మండల నాయకులు ముడమాల ప్రభాకర్ రెడ్డి, కొత్తపు మునిరెడ్డి, జడ్పీటీసీ పొత్తపి నరసింహ తదితరులు దంపతులకు పుష్పగుచ్ఛాలు అందజేసి ప్రత్యేక అభినందనలు తెలిపారు. ఈ సందర్భంగా మండల సమగ్రాభివృద్ధికి కృషి చేస్తామని లక్ష్మణ పేర్కొన్నారు. కార్యక్రమంలో పలువురు ఎంపీటీసీ సభ్యులు, సర్పంచులు, తెదేపా కార్యకర్తలు పాల్గొన్నారు.
రిపోర్టర్ :తిరుపాల్, అట్లూర్