భారీగా పట్టుబడ్డ గంజాయి!

చేవెళ్ల : చేవెళ్ల పోలీస్ స్టేషన్ పరిధిలోని ఫరా ఇంజనీరింగ్ కళాశాల సమీపంలో పోలీసులు నిర్వహించిన వాహన తనిఖీల్లో భారీగా గంజాయి పట్టుబడింది. విశ్వసనీ సమాచారం మేరకు శనివారం సాయంత్రం షాబాద్ వైపు వెళ్తున్న ఏపీ 39 డబ్లూడబ్లూ 6222 గల కారు ను తనిఖీ చేయగా అందులో అక్రమంగా తరలిస్తున్న 22 కిలో గంజాయిని గుర్తించి స్వాధీనం చేస్తున్నారు. సీఐ కట్టా నరేందర్ రెడ్డి తెలిపిన వివరాల ప్రకారం... ఆంధ్రప్రదేశ్ రాష్ట్రం కృష్ణాజిల్లా గన్నవరం గ్రామానికి చెందిన నక్క నారాయణ, రాణిమేకల నాగరాజులు విజయవాడ నుంచి మహారాష్ట్రకు తరలిస్తుండగా అదుపులోకి తీసుకున్నారు. గంజాయి ఎక్కడి నుంచి తీసుకొస్తున్నారు.. ఎక్కడికి తరలిస్తున్నారు... అక్రమ రవాణా వెనుక ఎవరైవరు ఉన్నారనే కోణాల్లో పోలీసులు దర్యాప్తు చేస్తున్నారు. ప్రధాన నిందుతుడు నారాయణపై గతంలోనూ గంజాయి అక్రమ రవాణాకు సంబంధించి ఆంధ్రప్రదేశ్ పశ్చిమ గోదావరి జిల్లా డొంకరాయి పోలీసెస్టేషన్లో కేసు నమోదైనట్లు పోలీసులు తెలిపారు. 
 

సున్నపు ప్రవీణ్ : చేవెళ్ల - మేజర్ న్యూస్