భక్తులకు అన్నప్రసాద ఏర్పాట్ల పరిశీలన

ఇంద్రకీలాద్రి, మేజర్ న్యూస్ : కార్తీక మాసాన్ని పురస్కరించుకుని కనకదుర్గ అమ్మవారి అన్నప్రసాదం స్వీకరించేందుకు విచ్చేసే భక్తులకు ఎలాంటి ఇబ్బందులు కలగకుండా దేవస్థానం చేపట్టిన ఏర్పాట్లను కార్యనిర్వహణాధికారి వి.కె. శీనా నాయక్ పరిశీలించారు. అన్నప్రసాదం స్వీకరణకు ఏర్పాటు చేసిన క్యూలైన్, భోజన వితరణ ప్రదేశం, భక్తులు వేచి ఉండే ప్రాంతాలను ట్రస్ట్ బోర్డు సభ్యులు, ఇంజినీరింగ్ అధికారులతో కలిసి పరిశీలించి ఏర్పాట్ల వివరాలను తెలుసుకున్నారు. ఈ కార్యక్రమంలో ట్రస్ట్ బోర్డు సభ్యులు రాఘవరాజు, శ్రీనివాసరావు, కార్యనిర్వహణ ఇంజినీర్ ఎల్. రమ తదితరులు పాల్గొన్నారు.

స్టాఫ్ రిపోర్టర్: ✍️ ప్రేమ్ రాజ్, విజయవాడ, ఎన్టీఆర్ జిల్లా.