తుఫాన్ దాటికి బాధితుల ఆవేదం
నేటి దినపత్రిక సూర్య బ్యూరో రాజమహేంద్రవరంవరుసగా విరుచుకుపడిన అర్నాబ్, మురాసు తుఫాన్లు డాక్టర్ బి.ఆర్. అంబేద్కర్ కోనసీమ జిల్లాలోని నిరుపేద కుటుంబాలను నిరాశ్రయులను చేశాయి. ఇసుకపూడి గ్రామంలోని తురకలదొడ్డిలో పెనుగాలులు, భారీ వర్షాలకు పలు పూరి గుడిసెలు పూర్తిగా నేలమట్టమయ్యాయి. కట్టుబట్టలతో రోడ్డున పడ్డ బాధితులు పిల్లాపాపలతో తలదాచుకునేందుకు చోటు లేక నరకయాతన అనుభవిస్తున్నారు.తుఫాను బీభత్సం సృష్టించి రోజులు గడుస్తున్నా ఇప్పటివరకు ఏ ఒక్క అధికారి తమ గ్రామం వైపు కన్నెత్తి చూడలేదని బాధితులు ఆవేదన వ్యక్తం చేస్తున్నారు. నష్టం అంచనా వేయడానికి కూడా ఎవరూ రాలేదని వాపోతున్నారు. తక్షణమే అధికారులు క్షేత్రస్థాయిలో పర్యటించి, ఇళ్లు కోల్పోయిన కుటుంబాలను గుర్తించాలని బాధితులు కోరుతున్నారు. తక్షణ ఆర్థిక సాయం, తాత్కాలిక పునరావాసం కల్పించడంతో పాటు, పక్కా ఇళ్లు మంజూరు చేసి ఆదుకోవాలని ప్రభుత్వాన్ని వేడుకుంటున్నారు.
