అక్రమ పేలుడు పదార్థాలు స్వాధీనం... ఇద్దరిపై కేసు

భీమదేవరపల్లి, మేజర్ న్యూస్, భీమదేవరపల్లి మండలం వంగర గ్రామ శివారులో అనుమతులు లేకుండా నిల్వ ఉంచిన పేలుడు పదార్థాలను పోలీసులు స్వాధీనం చేసుకున్నారు. ఎస్ఐ రాజు తెలిపిన వివరాల ప్రకారం.. శనివారం పెట్రోలింగ్‌ నిర్వహిస్తున్న పోలీసులకు వచ్చిన సమాచారంతో ఆహార శుద్ధి పరిశ్రమ సమీపంలో తనిఖీలు చేపట్టారు. ఈ క్రమంలో రూదాని రాముడు  వద్ద 30 జిలెటిన్‌ స్టిక్స్‌, కార్డెక్స్‌ వైర్‌, బత్తి వైర్‌ను గుర్తించారు. వీటికి సంబంధించి ఎలాంటి అనుమతి పత్రాలు లేకపోవడంతో రూ.9 వేల విలువైన పేలుడు పదార్థాలను స్వాధీనం చేసుకున్నారు. విచారణలో ఎల్కతుర్తి మండలం గోపాలపూర్‌కు చెందిన వల్లెపు మధు పనుల నిమిత్తం వాటిని తీసుకొచ్చినట్లు రాముడు తెలిపాడు. దీంతో రూదాని రాముడు, వల్లెపు మధుపై కేసు నమోదు చేసినట్లు ఎస్ఐ రాజు వెల్లడించారు.

రిపోర్టర్; రామకృష్ణ, భీమదేవరపల్లి, హనుమకొండ జిల్లా