అమ్మవారి సేవా కార్యక్రమాలకు రూ.2.01 లక్షల విరాళాలు

ఇంద్రకీలాద్రి, మేజర్ న్యూస్ : ఇంద్రకీలాద్రిపై కొలువై ఉన్న కనకదుర్గమ్మ అమ్మవారి సేవా కార్యక్రమాలకు ఇద్దరు భక్తులు కలిపి రూ.2,01,232 విరాళంగా సమర్పించారు. అమ్మవారి వేద పరిరక్షణ నిమిత్తం విశాఖపట్నంలోని రాజేంద్రనగర్‌కు చెందిన సుబ్రహ్మణ్యం ముత్య రూ.1,00,116 విరాళం అందజేశారు. అలాగే అమ్మవారి ఉచిత ప్రసాద వితరణ నిమిత్తం హైదరాబాద్‌లోని శ్రీనగర్ కాలనీకి చెందిన వీరమాచినేని శివప్రసాద్ రూ.1,01,116 విరాళంగా సమర్పించారు. ఈ విరాళాలను ఆలయ డీఈవో కిషోర్ కుమార్, ఆలయ అధికారుల ఆధ్వర్యంలో అర్చక స్వాముల సమక్షంలో భక్తిపూర్వకంగా అందజేశారు.

స్టాఫ్ రిపోర్టర్: ✍️ ప్రేమ్ రాజ్, విజయవాడ, ఎన్టీఆర్ జిల్లా.