అర్హులైన పట్టభద్రులందరూ ఓటరుగా నమోదు చేసుకోవాలి... కాంగ్రెస్ నాయకులు పిలుపు

లింగాలఘణపూర్, మేజర్ న్యూస్, రాబోయే వరంగల్ - ఖమ్మం - నల్గొండ పట్టభద్రుల శాసనమండలి ఎన్నికల నేపథ్యంలో మండలంలో ఓటరు నమోదు ప్రక్రియ ముమ్మరంగా కొనసాగుతోంది. ఇందులో భాగంగా మండల సర్పంచుల ఫోరం అధ్యక్షుడు, స్థానిక సర్పంచ్ నర్సింగ రామకృష్ణ, కాంగ్రెస్ పార్టీ గ్రామ శాఖ అధ్యక్షుడు మాచర్ల మహేందర్ గౌడ్, మండల ఎస్సీ సెల్ అధ్యక్షుడు మరియు ఎమ్మెల్సీ కో-ఆర్డినేటర్ నర్సింగ రమేష్ ఆధ్వర్యంలో ఆదివారం పట్టభద్రుల ఓటరు నమోదు కార్యక్రమాన్ని విస్తృతంగా నిర్వహించారు.ఈ సందర్భంగా నాయకులు మాట్లాడుతూ ప్రజాస్వామ్యంలో ఓటు హక్కు వజ్రాయుధం వంటిదని, విద్యావంతులైన పట్టభద్రులు తమ హక్కును సద్వినియోగం చేసుకోవాలని కోరారు. నిర్దేశిత గడువులోగా డిగ్రీ పూర్తి చేసిన యువతీ యువకులు, ఉద్యోగులు తగిన ధ్రువపత్రాలతో ఫారం-18 ద్వారా తమ పేర్లను తప్పనిసరిగా నమోదు చేసుకోవాలని పిలుపునిచ్చారు. అర్హులైన ప్రతి ఒక్కరినీ గుర్తించి ఓటరుగా నమోదు చేయించే బాధ్యతను కార్యకర్తలు తీసుకోవాలన్నారు.ఈ కార్యక్రమంలో కాంగ్రెస్ పార్టీ మండల అధ్యక్షుడు సాదం విజయ మనోహర్, జిల్లా కమిటీ సభ్యులు దామెర నాగరాజు, వార్డు సభ్యుడు బత్తిని వేణు గౌడ్, మండల కార్యదర్శి కొయ్యడ రామలింగం గౌడ్, ముఖ్య నాయకులు జెగ్గం ఆనంద్, ఎడ్ల జాన్, దామెర రాజు, నర్సింగ కృష్ణ తదితరులు పాల్గొన్నారు.

రిపోర్టర్ ,గన్ను కార్తీక్ , లింగాలఘణపూర్ , జనగామ జిల్లా