telangana
ఆశా వర్కర్ల సమస్యలు పరిష్కరించాలి
హిమాయత్ నగర్, మేజర్ న్యూస్ :హైదరాబాద్ జిల్లా కలెక్టర్ కార్యాలయం ఎదుట వివిధ ప్రాథమిక ఆరోగ్య కేంద్రాల నుండి పెద్ద ఎత్తున తరలివచ్చిన ఆశా కార్మికులు సోమవారం ధర్నా నిర్వహించారు. ఈ ధర్నానుద్దేశించి ఎఐటియుసి ఉపాధ్యక్షురాలు పి.ప్రేంపావని మాట్లాడుతూ రాష్ట్రంలోని 27వేల పై చిలుకు ఆశా కార్మికులకు ఫిక్స్డ్ వేతనం రూ. 18వేలు నిర్ణయించాలని డిమాండ్ చేశారు. ఇండియన్ లేబర్ కాన్ఫరెన్స్ ప్రతి వర్కర్కు కనీస వేతనం రూ.26వేలు ఉండాలని సిఫారసు చేసినా ప్రభుత్వాలు బేఖాతరు చేయటాన్ని తప్పు బట్టారు. పారితోషికం పేరిట ఆశాలకు రూ.9900లు ఇస్తూ ఆశా కార్మికులను శ్రమ దోపిడీకి గురిచేస్తున్నారని తెలిపారు. రిటైర్మెంట్ బెనిఫిట్ 5 లక్షల రూపాయలు ఇవ్వాలని, విధి నిర్వాహణలో ఉండగా చనిపోయిన కార్మికురాలికి రూ. 50వేలు మట్టి ఖర్చులకు ఇవ్వాలని డిమాండ్ చేశారు. వీరికి 50 లక్షల రూపాయల బీమా సౌకర్యాన్ని కల్పించాలని, పిఎఫ్, ఇయసఐ సౌకర్యాలను కల్పించాలని కోరుతూ డిసెంబర్ 15వ తేదీ నుండి ఆశా వర్కర్లు నిరవధిక సమ్మెకు దిగుతారని ఆరోగ్య కమీషనర్కు వినతిపత్రం ఇచ్చినా నేటి వరకు వారి నుండి ఎలాంటి హామీ రాలేదని తెలిపారు.ఈ కార్యక్రమంలో ఆశా వర్కర్స్ యÖనియన్ సిఐటియు రాష్ట్ర అధ్యక్షురాలు, జయలక్ష్మి, నగర ఆశా వర్కర్స్ యÖనియన్ అధ్యక్షురాలు మీనా, ఎఐటియుసి ఆశా వర్కర్స్ యÖనియన్ కన్వీనర్ కె.జ్యోతి, సిఐటియు నాయకులు దశరథ్, కుమార స్వామిలు, యాదయ్మ తదితరులు పాల్గొని ప్రసంగించారు