ఘనంగా విద్యాసంస్థల్లో ముందస్తు బతుకమ్మ సంబరాలు

నారాయణపేట, సూర్యన్యూస్:
విద్యా సంస్థల్లో శుక్రవారం ముందస్తు బతుకమ్మ వేడుకలు ఘనంగా నిర్వహించారు. పట్టణంలోని శ్రీ వేద సరస్వతి జూనియర్ కళాశాల, కృష్ణ గోకులం, శ్రీసాయి స్కూల్, మండలంలోని జాజాపూర్ జడ్పీ స్కూల్, అమ్మిరెడ్డి పల్లి ప్రాథమిక పాఠశాలలో విద్యార్థులు పసుపుతో గౌరమ్మను, రంగురంగు పూలతో బతుకమ్మను పేర్చి   ఆటపాటలతో నృత్యాలు చేసి పూలను నీటిలో నిమజ్జనం చేశారు. ఈ సందర్భంగా పిఆర్టియు జిల్లా గౌరవ అధ్యక్షులు రఘువీర్ మాట్లాడుతూ.. తెలంగాణ వాసుల బతుకమ్మ పండుగ ప్రకృతిని అరాధించే పెద్ద పండుగ అని, పూలను దేవుడిగా పూజించే చక్కటి సంస్కృతి అని కొనియాడారు. అనంతరం పూలతో పేర్చిన బతుకమ్మపై అమ్మవారి ప్రతిమను ఏర్పాటు చేసి భక్తి పాటలకు బొడ్డెమ్మలు వేశారు. చక్కటి సంప్రదాయ వస్త్రాదరణతో ఆడిన నృత్యాలు ఎంతో అలరించాయి. ఆయా కార్యక్రమంలో టీచర్లు భారతి, మంగళ, నిర్మల, శశిరేఖ, శిరీష, భానుప్రకాష్,  నర్సింలు, నరసింహ, ప్రతాప్, మధుసూదన్ రావు, రఘురాంరెడ్డి,  లక్ష్మణ్  వెంకటేష్ పాల్గొన్నారు.
-- రాజేష్ కుమార్, సూర్య రిపోర్టర్ నారాయణపేట.