పుష్కరాల నేపథ్యంలో మూడు ప్రాంతాల్లో మరుగుదొడ్ల నిర్మాణాలకు శంకుస్థాపన

కడియం ,మేజర్ న్యూస్,:రాబోయే పుష్కరాలను దృష్టిలో ఉంచుకుని కడియం మండలంలోని కడియపులంక, బుర్రిలంక గ్రామాల్లో స్వచ్ఛ భారత్ మిషన్ ఆధ్వర్యంలో ప్రభుత్వం మంజూరు చేసిన మరుగుదొడ్ల నిర్మాణ పనులకు శనివారం శంకుస్థాపన చేశారు.
బుర్రిలంక సుబ్రహ్మణ్యస్వామి ఆలయం సమీపంలో, ఆంజనేయస్వామి విగ్రహం సమీపంలో కడియపులంక పూల మార్కెట్ దగ్గర చేపట్టనున్న నిర్మాణ పనులకు ఏపీఐఐసీ డైరెక్టర్ మార్గాన్ని  సత్యనారాయణ, మాజీ ఎంపీపీ పంతం గణపతి, మార్కెట్ యార్డ్ ఉపాధ్యక్షులు  బోడపాటి గోపి, గట్టి సుబ్బారావు  తదితరులు శంకుస్థాపన చేశారు.

రాబోయే పుష్కరాలకు వచ్చే భక్తులు, పర్యాటకులకు అవసరమైన పారిశుధ్య సదుపాయాలు కల్పించడంలో భాగంగా ఈ నిర్మాణాలు చేపడుతున్నారు. పుష్కరాల సమయానికి ప్రజలకు ఇబ్బందులు కలగకుండా మౌలిక సదుపాయాలను మెరుగుపరచడంతో పాటు గ్రామాల్లో పరిశుభ్రతకు ప్రాధాన్యం ఇవ్వనున్నట్లు తెలిపారు. ఈ కార్యక్రమంలో స్థానిక నాయకులు, ప్రజాప్రతినిధులు, సంబంధితులు పాల్గొన్నారు.