మోడీ ప్రజాస్వామ్యానికే ప్రమాదకారి: సిఐటియు నాయకుడు ఎస్. భగత్

దేవరపల్లి, మేజర్ న్యూస్:ప్రధాని నరేంద్ర మోడీ దేశంలో ప్రజాస్వామ్యానికే ప్రమాదకారిగా మారాడని, సీఈసీ  జ్ఞానేష్ కుమార్‌ను వెంటనే బర్తరఫ్ చేసే వరకు ఉద్యమాన్ని ఆపేది లేదని సిఐటియు మండల కన్వీనర్ ఎస్. భగత్ స్పష్టం చేశారు.శనివారం ప్రజాసంఘాల ఆధ్వర్యంలో దేవరపల్లి బస్టాండ్ వద్ద నిరసన కార్యక్రమం నిర్వహించారు. 

ఈ సందర్భంగా ఎస్. భగత్ మాట్లాడుతూ, దేశంలో బిజెపి ప్రభుత్వం అప్రకటిత ఎమర్జెన్సీని అమలు చేస్తోందని విమర్శించారు. శాంతియుత ఆందోళనలకు పిలుపునిస్తే మెట్రో స్టేషన్లను మూసివేయడం, ఇంటర్నెట్ నిలిపివేయడం, వేలాది మందిని ముందస్తుగా అరెస్టు చేయడం దారుణమన్నారు

.రైతు సంఘం సీనియర్ నాయకుడు ఉండవల్లి కృష్ణారావు మాట్లాడుతూ, దేశంలో 13 కోట్ల మంది ఓట్లను అక్రమంగా తొలగించారని, అందులో అత్యధికంగా వలస కార్మికుల ఓట్లే ఉన్నాయని ఆరోపించారు. ఆ ఓట్లను వెంటనే పునరుద్ధరించాలని మరియు 2023 చట్టాన్ని రద్దు చేయాలని డిమాండ్ చేశారు.ఈ కార్యక్రమంలో వివిధ సంఘాల నాయకులు మర్రి రమేష్, కే.ఎస్. గురుమూర్తి, తుట్ట ఏసు, వేల్పూరు దుర్గారావు, పిన్నమనేని సత్యనారాయణ, సిర్ర రాజు, కే. రత్నాజీ, అడపా సూర్యారావు, పుల్లూరు వెంకటరత్నం తదితరులు పాల్గొన్నారు.