telanagana
పెద్దపల్లిలో పేకాట స్థావరంపై పోలీసుల మెరుపుదాడి ఎనిమిది మంది అరెస్టు.. రూ.18,300 నగదు, ఆరు సెల్‌ఫోన్లు, రెండు బైకులు స్వాధీనం
సూర్య పెద్దపల్లి ప్రతినిధి
పెద్దపల్లి పట్టణంలో పేకాట స్థావరంపై పోలీసులు మెరుపుదాడి చేసి ఎనిమిది మందిని అరెస్టు చేశారు. వారి వద్ద నుంచి రూ.18,300 నగదు, ఆరు సెల్‌ఫోన్లు, రెండు ద్విచక్ర వాహనాలను స్వాధీనం చేసుకున్నారు.పెద్దపల్లి ఫ్లైఓవర్‌ సమీపంలోని ఓ ఇంట్లో పేకాట ఆడుతున్నట్లు పోలీసులకు సమాచారం అందింది. దీంతో టౌన్‌ ఎస్ఐ నరేష్ తన సిబ్బందితో కలిసి సదరు ఇంటిపై ఆకస్మికంగా దాడి చేశారు. ఈ సందర్భంగా పేకాట ఆడుతున్న ఎనిమిది మందిని అదుపులోకి తీసుకుని, వారి వద్ద ఉన్న నగదు, సెల్‌ఫోన్లు, ద్విచక్ర వాహనాలను స్వాధీనం చేసుకున్నారు.పట్టణంలో పేకాటతో పాటు ఇతర చట్టవిరుద్ధ కార్యకలాపాలపై నిరంతరం నిఘా కొనసాగిస్తామని, అలాంటి కార్యకలాపాలకు పాల్పడితే కఠిన చర్యలు తీసుకుంటామని ఎస్ఐ నరేష్ స్పష్టం చేశారు.
