సుఖ సంతోషాలతో ఐక్యమత్యంగా పండుగలను జరుపుకోవాలి

ఎమ్మెల్యే కసిరెడ్డి నారాయణరెడ్డి 

 సుఖ సంతోషాలతో ఐక్యమత్యంగా పండుగలను జరుపుకోవాలని కల్వకుర్తి ఎమ్మెల్యే కసిరెడ్డి నారాయణరెడ్డి అన్నారు. విజయదశమి పర్వదినాన్ని పురస్కరించుకొని ప్రతి ఏటా వైభవంగా నిర్వహించే బతుకమ్మ ఉత్సవాలలో భాగంగా శనివారం పట్టణ కేంద్రంలో నిర్వహించిన ఎంగిలిపూల బతుకమ్మ సంబరాలలోస్థానిక ఎమ్మెల్యే కసిరెడ్డి నారాయణరెడ్డి దంపతులు పాల్గొన్నారు. అనంతరం దుర్గాభవాని ఉత్సవ కమిటీ ఆధ్వర్యంలో దేవీ నవరాత్రి ప్రతిష్ట ఉత్సవాల్లో భాగంగా ఏర్పాటుచేసిన దుర్గామాత మండపంలో స్థానిక నాయకులు తో కలిసి ఎమ్మెల్యే దంపతులు ప్రత్యేక పూజలు నిర్వహించారు.ఈ సందర్భంగా పట్టణంలో మహిళలు రంగు రంగు పూలతో అలంకరించిన బతుకమ్మలను స్థానిక అంగడి బజార్ లోని హనుమాన్ దేవాలయం ఎదుట ఉంచి తెలంగాణ బతుకమ్మ గీతాలను ఆలపిస్తూ లయబద్ధకంగా ఆడారు. వేడుకలలో పాల్గొన్న ఎమ్మెల్యే సతీమణి మాధవి మహిళలతో కలిసి బతుకమ్మ ఆడారు. అనంతరం బ్యాండ్ వాయిద్యాల మధ్య బాణాసంచాలు కాల్చుతూ ఊరేగింపుగా స్థానిక సుర సముద్రం చెరువు వద్దకు చేరుకొని బతుకమ్మలను నిమజ్జనం చేశారు. కార్యక్రమంలో పొల్యూషన్ కంట్రోల్ బోర్డు మెంబర్ బాలాజీ సింగ్, మున్సిపల్ చైర్మన్ పత్యానాయక్, మార్కెట్ చైర్మన్ గీత నరసింహ, పలువురు కౌన్సిలర్లు, వివిధ పార్టీల నాయకులు, మహిళలు, పట్టణ ప్రజలు పాల్గొన్నారు.

ఎ. చంద్రశేఖర్: మేజర్ న్యూస్, ఆమనగల్లు.