వైసిపి అభ్యర్థుల విజయం కోసం తండ్రి, తనయుల ప్రచారం

నూజివీడు, మేజర్ న్యూస్ : నూజివీడు పురపాలక సంఘం ఎన్నికలలో వైఎస్ఆర్ కాంగ్రెస్ పార్టీ అభ్యర్థుల విజయం కోసం మాజీ శాసనసభ్యులు మేకా వెంకట అప్పారావు తో పాటు తనయులు మేకా వేణుగోపాల అప్పారావు  ఆదివారం  పలు వార్డులో విస్తృతంగా ప్రచారం నిర్వహించారు  నూజివీడు అభివృద్ధికి వైయస్సార్ కాంగ్రెస్ పార్టీ అభ్యర్థులను గెలిపించాలని వీరు ఓటర్లను అభ్యర్థించారు. నూజివీడుకు ప్రఖ్యాతిగాంచిన విద్యాసంస్థ త్రిబుల్ ఐటీ, నూజివీడు ప్రజల దాహార్తిని తీర్చిన కృష్ణా జలాల తరలింపు వంటి బృహత్తర  పథకాలను అందించిన ఘనత మనదేనని అన్నారు. మాజీ శాసనసభ్యులు మేకా ప్రతాప్ అప్పారావు తొమ్మిదవ వార్డు అభ్యర్థి సయ్యద్ రషీద్, పదో వార్డు అభ్యర్థి తాళాబత్తుల రాంబాబు 11వ వార్డ్ అభ్యర్థి భూఖ్య మీనా కుమారి, 12 వ వార్డు అభ్యర్థి మీర్ సైదా భాను విజయాన్ని కాంక్షిస్తూ ఎన్నికల ప్రచారం నిర్వహించారు.  ప్రతాప్ అప్పారావు తనయులు గోపాల అప్పారావు నాలుగు, ఐదు వార్డులలో పర్యటించి వైఎస్ఆర్ కాంగ్రెస్ పార్టీ విజయానికి ప్రతి ఒక్కరూ కృషి చేయాలని కోరారు. కార్యక్రమంలో  చైర్మన్ అభ్యర్థి లవ కుమార్ తో పాటు వైఎస్ఆర్ కాంగ్రెస్ పార్టీ నాయకులు పాల్గొన్నారు.