వగ్గంపల్లిలో వైసీపీకి గుడ్‌బై చెప్పిన 24 కుటుంబాలు
పామూరు, మేజర్ న్యూస్ : మండలంలోని వగ్గంపల్లి గ్రామానికి చెందిన 24 కుటుంబాలు వైసీపీకి గుడ్‌బై చెప్పి తెలుగుదేశం పార్టీలో చేరారు. ఆదివారం కనిగిరిలోని అమరావతి గ్రౌండ్స్‌లో సింగిల్ విండో మాజీ అధ్యక్షుడు బైరెడ్డి జయరామిరెడ్డి ఆధ్వర్యంలో నిర్వహించిన కార్యక్రమంలో ఎమ్మెల్యే డాక్టర్ ముక్కు ఉగ్ర నరసింహారెడ్డి సమక్షంలో ఈ చేరికలు జరిగాయి. ఈ సందర్భంగా పార్టీలో చేరిన కుటుంబాల సభ్యులకు ఎమ్మెల్యే డాక్టర్ ఉగ్ర టీడీపీ కండువాలు కప్పి పార్టీలోకి ఆహ్వానించారు. ఈ సందర్భంగా ఎమ్మెల్యే ఉగ్ర నరసింహారెడ్డి మాట్లాడుతూ కూటమి ప్రభుత్వం ప్రజలకు ఇచ్చిన హామీలను అమలు చేస్తూ రాష్ట్ర అభివృద్ధికి కృషి చేస్తోందన్నారు. గ్రామాల అభివృద్ధితోపాటు అర్హులైన ప్రతి ఒక్కరికీ సంక్షేమ పథకాలు అందించడమే ప్రభుత్వ లక్ష్యమని తెలిపారు. తెలుగుదేశం పార్టీలో చేరిన ప్రతి ఒక్కరికీ తగిన గుర్తింపు గౌరవం కల్పిస్తామని అందరూ కలిసికట్టుగా పనిచేస్తూ గ్రామాల అభివృద్ధికి తోడ్పడాలని కోరారు. ఈ కార్యక్రమంలో ఎంపీపీ పువ్వాడి వెంకటేశ్వర్లు, సింగిల్ విండో మాజీ అధ్యక్షుడు బైరెడ్డి జయరామిరెడ్డి, టిడిపి మండల అధ్యక్షుడు బొల్లా నరసింహారావు, అడుసుమల్లి ప్రభాకర్ చౌదరి, యారవ శ్రీనివాసులు, గుంటుపల్లి శ్రీనివాసులు, బైరెడ్డి వెంకటేశ్వర్లు, పారా వెంకటేశ్వర్లు, నాగశేషులు, ఎలికా నారాయణ, దేవన బోయిన నాగార్జున, రెక్కల రమణారెడ్డి, దారపనేని బాల చెన్నయ్య, బైరెడ్డి సురేంద్ర రెడ్డి, బైరెడ్డి నాగిరెడ్డి, సుభాని, ముక్కు తిరుపతయ్య తదితరులు పాల్గొన్నారు.
