అమిత్ షా ‘మహా పాదయాత్ర’ను విజయవంతం చేయాలి: రవికుమార్ యాదవ్

                                  మసీదుబండలో శేరిలింగంపల్లి నియోజకవర్గం బీజేపీ సన్నాహక సమావేశం
కొండాపూర్,మేజర్ న్యూస్ : నవంబర్ 2న కేంద్ర హోంశాఖ మంత్రి అమిత్ షా నేతృత్వంలో నిర్వహించనున్న ‘మహా పాదయాత్ర’ను విజయవంతం చేయాలని బీజేపీ రాష్ట్ర అధికార ప్రతినిధి, శేరిలింగంపల్లి నియోజకవర్గ ఇన్‌ఛార్జ్ రవికుమార్ యాదవ్ పార్టీ శ్రేణులకు, ప్రజలకు పిలుపునిచ్చారు.ఈ సందర్భంగా మసీదుబండలోని బీజేపీ కార్యాలయంలో శేరిలింగంపల్లి నియోజకవర్గం స్థాయి మహా పాదయాత్ర సన్నాహక సమావేశాన్ని నిర్వహించారు. ఈ సమావేశానికి ముఖ్య అతిథులుగా రవికుమార్ యాదవ్, మహా పాదయాత్ర కన్వీనర్ సిద్ధం నరేష్, రాష్ట్ర కార్యవర్గ సభ్యులు, జిల్లా ఇన్‌ఛార్జ్ ఆలె భాస్కర్ హాజరయ్యారు.ఈ సమావేశంలో రవికుమార్ యాదవ్ మాట్లాడుతూ.. నవంబర్ 2వ తేదీ సాయంత్రం 4 గంటలకు నిజాం కాలేజీ ఎదురుగా ఉన్న బాబు జగ్జీవన్ రామ్ విగ్రహం నుంచి మొజంజాహీ మార్కెట్ చౌరస్తా వరకు మహా పాదయాత్ర కొనసాగుతుందని తెలిపారు. శేరిలింగంపల్లి నియోజకవర్గం నుంచి నాయకులు, కార్యకర్తలు, ప్రజలు పెద్ద సంఖ్యలో స్వచ్ఛందంగా తరలివచ్చి ఈ కార్యక్రమాన్ని విజయవంతం చేయాలని కోరారు.అనంతరం జిల్లా ఇన్‌ఛార్జ్ ఆలె భాస్కర్ మాట్లాడుతూ.. ప్రజాస్వామ్య పరిరక్షణ లక్ష్యంగా కేంద్ర మంత్రి అమిత్ షా చేపడుతున్న మహా పాదయాత్రకు ప్రజలందరూ ఏకమై మద్దతు తెలపాలని పిలుపునిచ్చారు. వేలాది మంది పాల్గొని కార్యక్రమాన్ని దిగ్విజయం చేయాలని కోరారు.ఈ సమావేశంలో జిల్లా ప్రధాన కార్యదర్శి మహిపాల్ రెడ్డి ఎల్లేష్, అనిల్ గౌడ్, మాణిక్ రావు, స్వామి గౌడ్, దయాకర్, గోపాల్ రావు, దుర్గా ప్రసాద్‌తో పాటు నియోజకవర్గానికి చెందిన పలువురు ముఖ్య నాయకులు, కార్యకర్తలు పాల్గొన్నారు.