పోలీసుల అదుపులో ఇద్దరు వైసిపి అభ్యర్ధుల భర్తలు.

పలాస, నవంబర్ 1,మేజర్ న్యూస్.

పలాస కాశీబుగ్గ మున్సిపల్ ఎన్నికల పాలింగ్ రోజు,ఆదివారం ఇద్దరు వైసిపి అభ్యర్ధుల భర్తలను పోలీసులు అదుపులోనికి తీసుకున్నారు. 11వ వార్డు అభ్యర్థి మీసాల సుశోభిత భర్త మీసాల సురేష్ బాబుతో పాటు తన అనుచరులు అర్ట్ లక్ష్మణ్, బోనెల రమేష్ లను, 6వ వార్డు వైసిపి అభ్యర్థి దువ్వాడ సత్యవతి భర్త దువ్వాడ రమణయ్యతో పాటు వారి అనుచరులు కొంత మందిని పోలీసులు అదుపులోనికి తీసుకున్నారు. వీరి ఇద్దరిపై రౌడీ షీటర్ కేసులు ఉండగా వీరు పాలింగ్ కేంద్రం వద్దకు రావడంతో వీరిపై ముందుగా పొలీసులు బైండోవర్ కేసులు విధించిన నేపథ్యంలో ముందు జాగ్రత్త చర్యలలో భాగంగా వీరిని అదివారం ఉదయం పోలీసులు అదుపులోనికి తీసుకొని పొలింగ్ జరిగిన అనంతరం వీరిని విడిచిపెట్టారు. అదే విదంగా 19వ వార్డు పాలింగ్ కేంద్రం 19/1, 19/2 పోలింగ్ కేంద్రాల వద్ద వైకాపా, టిడిపి నాయకులు మద్య చిన్నపాటి వాగ్వివాదాలు జరిగాయి, అదే విదంగా 21వ వార్డు పొలింగ్ కేంద్రం 21/2 వద్ద టిడిపి, వైకాపా నాయకులు మధ్య వాగ్వివాదాలు జరగగా టిడిపి నాయకులు వైకాపా నాయకులు టెంట్ను తోసి వేయడంతో చిన్న పాటి ఘర్షణ జరగగా పోలీసులు వచ్చి ఇరువర్గాలను అదుపుచేశారు.