ఎన్నికల విధులు నిర్వహించే ఉద్యోగులకు పోస్టల్ బ్యాలెట్ అవకాశం

పెరవలి మేజర్ న్యూస్ :పెరవలి మండల పరిధిలో పనిచేస్తూ స్థానిక సంస్థల ఎన్నికల విధులు నిర్వహిస్తున్న ఉద్యోగులకు పోస్టల్ బ్యాలెట్ ద్వారా తమ ఓటు హక్కును వినియోగించుకునే అవకాశం కల్పించినట్లు పెరవలి మండల ప్రత్యేక అధికారి, ఎన్నికల రిటర్నింగ్ అధికారి సునీల్ వినయ్ తెలిపారు.ఈ సందర్భంగా ఆయన మాట్లాడుతూ నవంబర్ 2వ తేదీ సోమవారం ఉదయం నుంచి పెరవలి మండల పరిషత్ కార్యాలయంలో పోస్టల్ బ్యాలెట్ ఓటింగ్ సదుపాయం అందుబాటులో ఉంటుందని వెల్లడించారు.ఎన్నికల విధుల్లో నియమితులైన ఉద్యోగులు ఈ అవకాశాన్ని సద్వినియోగం చేసుకుని తమ ఓటు హక్కును వినియోగించుకోవాలని సూచించారు.ముఖ్యంగా ఎన్నికల విధులు కేటాయించబడిన ఉద్యోగులు మాత్రమే పోస్టల్ బ్యాలెట్ ద్వారా ఓటు వేసేందుకు అర్హులని ఆయన స్పష్టం చేశారు. అర్హులైన ఉద్యోగులు ఈ విషయాన్ని గమనించి పోస్టల్ బ్యాలెట్ సదుపాయాన్ని వినియోగించుకోవాలని రిటర్నింగ్ అధికారి సునీల్ వినయ్ తెలియజేశారు.