వైఎస్సార్‌సీపీ ఎన్నికల ప్రచారం - ప్రజా సమస్యలను వివరిస్తూ ప్రచారం నిర్వహించిన మాజీ ఎమ్మెల్యే సత్తి సూర్యనారాయణ రెడ్డి.
అనపర్తి, మేజర్ న్యూస్: స్థానిక సంస్థల ఎన్నికల నేపథ్యంలో అనపర్తి మండలం పెడపర్తి గ్రామంలో ఆదివారం వైఎస్సార్‌సీపీ ఎన్నికల ప్రచారం నిర్వహించారు. మాజీ ఎమ్మెల్యే, నియోజకవర్గ పార్టీ సమన్వయకర్త డాక్టర్ సత్తి సూర్యనారాయణ రెడ్డి పార్టీ నాయకులు, కార్యకర్తలతో కలిసి ప్రచారంలో పాల్గొన్నారు. ఈ సందర్భంగా అనపర్తి మండల జెడ్పీటీసీ అభ్యర్థి కొండేటి భీమేశ్వర స్వామి (భీమేష్)కు మద్దతుగా ఓటర్లను కలిసి ప్రచారం నిర్వహించారు.ఈ సందర్భంగా సత్తి సూర్యనారాయణ రెడ్డి మాట్లాడుతూ కూటమి ప్రభుత్వ పాలనలో నిత్యావసర వస్తువుల ధరలు పెరిగి పేద, మధ్యతరగతి కుటుంబాలు ఇబ్బందులు పడుతున్నాయని విమర్శించారు. గతంలో వైఎస్‌ జగన్‌మోహన్‌రెడ్డి ముఖ్యమంత్రిగా ఉన్న సమయంలో సంక్షేమ పథకాల ద్వారా పేద, మధ్యతరగతి ప్రజలకు లబ్ధి చేకూర్చారని పేర్కొన్నారు.ఈ కార్యక్రమంలో మాజీ సర్పంచ్ నల్లమిల్లి కాంతమ్మ, యువ నాయకులు నల్లమిల్లి రంజిత్ కుమార్, మేడపాటి బుల్లిరెడ్డి, మాజీ ఉపసర్పంచ్ శ్రీనివాసరెడ్డి, పొలమూరు మాజీ ఉపసర్పంచ్ సత్తి సురారెడ్డి, రంజిత్ యూత్ సభ్యులు, పలువురు పార్టీ నాయకులు, కార్యకర్తలు పాల్గొన్నారు.
