అభివృద్ధి పనులకు భూమిపూజ చేసిన కార్పొరేటర్ ఆకుల నర్మద

కరీంనగర్: నగరంలోని 11వ డివిజన్ పరిధిలో గల హ్యాపీ హోమ్స్‌లో SWG RCC Drain పనులకు కార్పొరేటర్ ఆకుల నర్మద భూమిపూజ చేశారు. ఈ సందర్భంగా అభివృద్ధి పనులకు శ్రీకారం చుట్టారు.అనంతరం పనులు చేపడుతున్న కాంట్రాక్టర్‌తో మాట్లాడి పలు సూచనలు చేశారు. పనులను నాణ్యతా ప్రమాణాలకు అనుగుణంగా చేపట్టాలని, ఎలాంటి జాప్యం లేకుండా నిర్ణీత సమయంలో పూర్తి చేయాలని సూచించారు. కాలనీ ప్రజలకు ఎలాంటి ఇబ్బందులు కలగకుండా పనులను పకడ్బందీగా నిర్వహించాలని తెలిపారు.11వ డివిజన్ అభివృద్ధికి ప్రాధాన్యతనిస్తూ ప్రజలకు అవసరమైన మౌలిక సదుపాయాల కల్పనకు కృషి చేస్తున్నట్లు పేర్కొన్నారు.ఈ కార్యక్రమంలో హ్యాపీ హోమ్స్ కాలనీ ప్రజలు తదితరులు పాల్గొన్నారు.