పోగొట్టుకున్న మొబైల్ అందజేత

సూర్య అశ్వరావుపేట,పోగొట్టుకున్న మొబైల్ ఫోన్‌ను అత్యాధునిక టెక్నాలజీతో తిరిగి అప్పగించి అశ్వారావుపేట పోలీసులు మరోసారి తమ మంచి మనసు చాటుకున్నారు.

గత నెల సెప్టెంబర్ 20వ తేదీన మారుతీ నగర్, అశ్వారావుపేటకు చెందిన దాసరి అబ్రహం తన మొబైల్ ఫోన్‌ను పోగొట్టుకున్నాడు. దీంతో బాధితుడు అశ్వారావుపేట పోలీస్ స్టేషన్‌ను సంప్రదించి ఫిర్యాదు చేశాడు.

బాధితుడి ఫిర్యాదు మేరకు పోలీసులు  (సెంట్రల్ ఎక్విప్‌మెంట్ ఐడెంటిటీ రిజిస్టర్) పోర్టల్* ద్వారా ఆ మొబైల్‌ను ట్రాక్ చేశారు. సాంకేతిక పరిజ్ఞానాన్ని ఉపయోగించి ఆ ఫోన్‌ను విజయవంతంగా రికవరీ చేశారు.

రికవరీ చేసిన మొబైల్ ఫోన్‌ను ఆదివారం బాధితుడు దాసరి అబ్రహంకు అశ్వారావుపేట పోలీసులు అందజేశారు.

ఈ సందర్భంగా *అశ్వారావుపేట అదనపు ఎస్సై దేవ్ సింగ్* మాట్లాడుతూ.. ఎవరైనా మొబైల్ ఫోన్ పోగొట్టుకుంటే వెంటనే పోలీసులను సంప్రదించాలని, సిఐఆర్ పోర్టల్ ద్వారా సులభంగా రికవరీ చేసే అవకాశం ఉందని తెలిపారు. తమ ఫోన్ తిరిగి దొరకడంతో బాధితుడు పోలీసులకు కృతజ్ఞతలు తెలిపాడు.

సూర్య రిపోర్టర్ మునీర్ అశ్వరావుపేట