మేఘవరంలో వైసీపీ అభ్యర్థుల ప్రచార జోరు

∆. ఫ్యాన్ గుర్తుపై ఓటేసి గెలిపించండి

∆. జెడ్పీటీసీ అభ్యర్థి పాల లక్ష్మి వసంతరెడ్డి, ఎంపీటీసీ అభ్యర్థి సూరాడ హేమలత విజ్ఞప్తి

సంతబొమ్మాళి, నవంబర్ 1, మేజర్ న్యూస్ :

స్థానిక సంస్థల ఎన్నికల నేపథ్యంలో సంతబొమ్మాళి మండలం మేఘవరం పంచాయతీలో వైఎస్సార్ కాంగ్రెస్ పార్టీ ఎన్నికల ప్రచారం ఊపందుకుంది. జెడ్పీటీసీ అభ్యర్థి పాల లక్ష్మి వసంతరెడ్డి, ఎంపీటీసీ అభ్యర్థి సూరాడ హేమలత జోగారావు ఇంటింటి ప్రచారం నిర్వహిస్తూ ఓటర్లను కలుసుకుంటున్నారు. ఫ్యాన్ గుర్తుపై ఓటు వేసి తమను అత్యధిక మెజారిటీతో గెలిపించాలని ఓటర్లను అభ్యర్థిస్తున్నారు.
ఈ సందర్భంగా ఎంపీటీసీ అభ్యర్థి సూరాడ హేమలత జోగారావు మాట్లాడుతూ, గతంలో పలు సామాజిక సేవా కార్యక్రమాలతో పాటు గ్రామ అభివృద్ధికి తన వంతు కృషి చేశానని తెలిపారు. ఎంపీటీసీగా మరోసారి అవకాశం కల్పిస్తే మేఘవరం పంచాయతీని మరింత అభివృద్ధి పథంలో నడిపించేందుకు కృషి చేస్తానని పేర్కొన్నారు. ప్రజలకు అందుబాటులో ఉంటూ వారి సమస్యల పరిష్కారానికి నిరంతరం పనిచేస్తానని హామీ ఇచ్చారు.అదేవిధంగా జెడ్పీటీసీ అభ్యర్థి పాల లక్ష్మి వసంతరెడ్డిని కూడా ఫ్యాన్ గుర్తుపై ఓటు వేసి గెలిపించాలని ఆమె ఓటర్లను కోరారు. జెడ్పీటీసీ, ఎంపీటీసీ స్థానాల్లో వైసీపీ అభ్యర్థులకు అవకాశం కల్పించి ప్రజాసేవకు సహకరించాలని విజ్ఞప్తి చేశారు. మేఘవరం పంచాయతీ పరిధిలోని వివిధ గ్రామాల్లో అభ్యర్థులు, పార్టీ శ్రేణులు కలిసి ప్రచారం నిర్వహిస్తూ ఓటర్ల మద్దతు కోరుతున్నారు.