మాతృమూర్తుల గొప్పతనాన్ని చాటి చెప్పాలి

రవీంద్ర భారతి , మేజర్ న్యూస్ : మాతృమూర్తుల గొప్పతనాన్ని తల్లిప్రేమ ఔన్నత్యాన్ని చాటిచెప్పే ప్రయత్నం చేస్తున్న సిద్ధేంద్ర ఆర్ట్స్ అకాడమీ అధ్యక్షురాలు డాక్టర్ దేవసేన అభినందనీయురాలని 
తెలంగాణ రాష్ట్ర నాట్యమండలి చైర్మన్, హైకోర్టు న్యాయవాది జస్టిస్ తంగిరాల మాధవి దేవి కొనియాడారు. తెలంగాణ రాష్ట్ర భాషా సాంస్కృతిక శాఖ సహకారంతో సిద్ధేంద్ర ఆర్ట్స్ అకాడమీ ఆధ్వర్యంలో ‘మాతృదేవోభవ’ కార్యక్రమాన్ని రవీంద్రభారతి సమావేశ మందిరం నిర్వహించారు. కార్యక్రమానికి ముఖ్య అతిథిగా హైకోర్టు న్యాయవాది జస్టిస్ తంగిరాల మాధవి దేవి , హైకోర్టు న్యాయవాది జస్టిస్ జి.శ్రీదేవి పాల్గొని జ్యోతి ప్రజ్వలన చేసి కార్యక్రమాన్ని ప్రారంభించారు. 
ఈ సందర్భంగా ఆమె మాట్లాడుతూ.. తల్లిని మించిన దైవం లేదని స్పష్టం చేశారు. 
గత కొన్ని సంవత్సరాలుగా మాతృమూర్తుల గొప్పతనాన్ని తెలియజేస్తూ.. ప్రతి ఏటా తల్లి పేరిట కార్యక్రమాలను నిర్వహించడం సంతోషదాయకమన్నారు . 
కార్యక్రమంలో నిరూపం సేవా ఫౌండేషన్ అధ్యక్షురాలు కృష్ణకుమారి, సంస్థ అధ్యక్షురాలు డాక్టర్ దేవసేన పాల్గొన్నారు. సభకు ముందు ప్రముఖ గురువు రేణుక ప్రభాకర్, రాజులపూడి కీర్తన , శిష్య బృందం, సుశీల రాణి, డి.బాల కామేశ్వరరావు
సంగీత నృత్య ప్రదర్శనలు ఆకట్టుకున్నాయి.