టెలివిజన్ రంగంలో 2013 ఏడాదికి గాను పూర్ణగాధలు బెస్ట్ గ్రాఫిక్స్ కు నందిఅవార్డు

                               ముచ్చటగా మూడోసారి 'నందిఅవార్డు' రావటం సంతోషంగా ఉంది: మోహన్ రాజ్

మల్కాజిగిరి, మేజర్ న్యూస్ : తెలుగు సీనీ రంగంలో నంది అవార్డులకు ఓ ప్రత్యేక స్ధానం ఉంది. నటీ నటుల ప్రతిభకు తగిన గుర్తింపు, మరింత ప్రొత్సాహాం అందించేందుకు ఆంధ్రప్రదేశ్ ప్రభుత్వం ఇచ్చే ప్రతిష్టాత్మక నంది అవార్డును కళాకారులు ఈ అవార్డును ఎంతో గొప్పగా భావిస్తారు. టెలివిజన్ రంగంలో 2013 ఏడాదికి గాను పూర్ణగాధలు బెస్ట్ గ్రాఫిక్స్ తో మెప్పించినందుకు గాను మల్కాజిగిరికి చెందిన మోహన్ రాజ్ కు నంది అవార్డు, రూ 10,000 నగదు బహుమతిని ప్రకటించింది. ఈ సందర్భంగా మోహన్ రాజ్ మాట్లాడుతూ పూర్ణ గాధలు బెస్ట్ గ్రాఫిక్స్ కు నంది అవార్డుతో పాటుగా 10 వేల నగదు బహుమతిని ప్రకటించడం ఎంతో సంతోషంగా ఉందన్నారు.ఈ సంద ర్భంగా ఆయన ఆంధ్రప్రదేశ్ ప్రభుత్వానికి ఆయన ప్రత్యేక కృతజ్ఞతలు తెలియజేశారు. ఇది తనకు దక్కిన మూడో నంది అవార్డు అన్నారు. గతంలో 2009, 2011 నంది అవార్డులు లభించాయని తెలిపారు.  2009 గాను మా టీవీ లో ప్రసారమైన సద్గురు దర్శనం సీరియల్ కు  నంది అవార్డు  లభించింది. 2011 లో టీ టీ డీ భక్తి ఛానల్ ప్రసారమైన వినాయక వ్రతం సీరియల్ కు నంది అవార్డు దక్కింది. 2013 ఏడాదికి ముచ్చటగా మూడో సారి తనకు నంది అవార్డు లభించటం తనకు మిక్కిలి సంతోషంగా ఉందన్నారు.