సీనియర్ జర్నలిస్ట్ పెండ్యాల రామ్ కుమార్ కన్నుమూత - మంథని ప్రెస్ క్లబ్ లో విషాద ఛాయలు

సూర్య,మంథని రూరల్: మంథని ప్రెస్ క్లబ్ సీనియర్ సభ్యుడు,సీనియర్ జర్నలిస్ట్ పెండ్యాల రామ్ కుమార్ (47) అనారోగ్యంతో హైదరాబాదులోని నిమ్స్ ఆస్పత్రిలో చికిత్స పొందుతూ ఆదివారం  తుది శ్వాస విడిచారు.ఆయన మరణంతో మంథని జర్నలిస్ట్ వర్గంలో విషాద ఛాయలు అలుముకున్నాయి.రామ్ కుమార్ విద్యార్థి దశ నుంచే అనేక సామాజిక ఉద్యమాల్లో కీలకంగా పనిచేశారు.అనంతరం సుదీర్ఘ కాలం పాటు మంథని కేంద్రంగా జర్నలిస్టుగా వివిధ దినపత్రికల్లో పనిచేస్తూ,ప్రజా సమస్యల పరిష్కారం కోసం నిరంతరం చొరవ చూపారు.పేద ప్రజల గొంతుకగా,అధికారులకు,ప్రజా ప్రతినిధులకు ప్రజా సమస్యలను తెలియజేయడంలో ఆయన ముందుండేవారు.సామాజిక స్పృహ,నీజాయితీ, నిర్భయ జర్నలిజం ఆయన ప్రత్యేకత.మంథనిలో జరిగిన అనేక ఉద్యమాల్లో, ప్రజా సమస్యల పోరాటాల్లో ఆయన క్రియాశీల పాత్ర పోషించారు.ఆయన మృతి పట్ల మంథని ప్రెస్ క్లబ్ అధ్యక్షులు అంకరి కుమార్ ఉపాధ్యక్షులు బర్ల సంపత్ ప్రధాన కార్యదర్శి పోతరాజు సమ్మయ్య సహాయ కార్యదర్శి గంధం అంజి బాబు కోశాధికారి తగరం రాజు,సీనియర్ జర్నలిస్టులు కొమురోజు మారుతి కొమురోజు చంద్రమోహన్,ఆంకరి ప్రకాష్,కంది కృష్ణారెడ్డి,ఆర్ల బాపు,లక్కాకుల నాగరాజు, బాసాని సాగర్,ఓజ్జల శ్రీనివాస్,లింగాల సురేష్ దొరగోర్ల రవీందర్,కేసారపు  రవి సభ్యులు,వివిధ పార్టీల నాయకులు,ప్రజా సంఘాలు సంతాపం వ్యక్తం చేశారు.ఆయన ఆత్మకు శాంతి చేకూరాలని,కుటుంబ సభ్యులకు ప్రగాఢ సానుభూతి తెలిపారు.