నేడు విద్యుత్ సరఫరాలో అంతరాయం

భట్టిప్రోలు, మేజర్ న్యూస్: భట్టిప్రోలు మండలంలోని పలు గ్రామాలలో సోమవారం విద్యుత్ సరఫరాకు అంతరాయం ఏర్పడుతుందని భట్టిప్రోలు విద్యుత్ శాఖ ఏఈ నాగూర్ మేర ఆదివారం తెలిపారు. ఈ సందర్భంగా ఆయన మాట్లాడుతూ ఉదయం గం 8ల నుండి మధ్యాహ్నం గం 2ల వరకు మెయింటెనెన్స్ పనుల కారణంగా పలు గ్రామాల్లో విద్యుత్ సరఫరా నిలిపివేయనున్నట్లు  నాగూర్ మీరా తెలిపారు.
పెదపులివర్రు సబ్ స్టేషన్ పరిధి 11 కె.వి పెదపులివర్రు హెడ్ క్వార్టర్ ఫీడర్ పై పీఎంఐ  మెయింటెనెన్స్ పనుల కారణంగా దాసరిపాలెం, పెదపులివర్రు, కోళ్లపాలెం, ఓలేరు, గోరిగపూడి గ్రామాల్లో విద్యుత్ నిలిచిపోతుందని, భట్టిప్రోలు ఎస్.ఎస్  పరిధి 11 కె.వి  సూరేపల్లి ఫీడర్ లో మెయింటెనెన్స్ కారణంగా సూరేపల్లి, వేమవరం, తాతావారిపాలెం, కోనేటిపురం, పడమటి పాలెం గ్రామాల్లో గృహ విద్యుత్ సరఫరాలో అంతరాయం ఏర్పడుతుందన్నారు.విద్యుత్ వినియోగదారులు పరిస్థితిని గమనించి సహకరించాలని విద్యుత్ ఏఈ నాగూర్ మీరా కోరారు.