మియాపూర్ ప్రజావాణికి ఆరు ఫిర్యాదులు

                                నిర్ణీత గడువులోగా సమస్యలను పరిష్కరించాలి: డీసీ శ్రీనివాస్
మియాపూర్,మేజర్ న్యూస్ :  మియాపూర్ సర్కిల్ కార్యాలయంలో నిర్వహించిన ప్రజావాణి కార్యక్రమానికి ప్రజల నుంచి మొత్తం ఆరు ఫిర్యాదులు అందినట్లు అధికారులు వెల్లడించారు. వీటిలో టౌన్ ప్లానింగ్ విభాగానికి సంబంధించి మూడు, ఇంజనీరింగ్ విభాగానికి రెండు, యూబీడీ విభాగానికి ఒక ఫిర్యాదు అందింది.అదేవిధంగా రెవెన్యూ, ఆరోగ్యం–పారిశుధ్యం, యూసీడీ, ఎలక్ట్రికల్, ఇరిగేషన్, వెటర్నరీ విభాగాలకు ఎలాంటి ఫిర్యాదులు అందలేదు.ప్రజల నుంచి స్వీకరించిన ఫిర్యాదులను సంబంధిత శాఖల అధికారులు క్షుణ్ణంగా పరిశీలించి, నిర్ణీత గడువులోగా పరిష్కరించాలని డీసీ శ్రీనివాస్ ఆదేశించారు. ప్రజలకు మెరుగైన పౌర సేవలు అందించడంతో పాటు, వారి సమస్యల పరిష్కారంలో ఎలాంటి జాప్యం జరగకుండా అధికారులు తగిన చర్యలు తీసుకోవాలని సూచించారు.