పట్టభద్రుల ఓటరు నమోదు వేగవంతం చేయాలి

                                      ఎమ్మెల్యే మాధవరం కృష్ణారావు, ఎమ్మెల్సీ శంభీపూర్ రాజు
హఫీజ్ పెట్,మేజర్ న్యూస్  బీఆర్ఎస్ పార్టీ ఆధ్వర్యంలో ఉమ్మడి చందానగర్ డివిజన్‌లో పట్టభద్రుల ఓటరు నమోదు కార్యక్రమంపై సమీక్ష సమావేశం నిర్వహించారు. ఎమ్మెల్యే మాధవరం కృష్ణారావు, ఎమ్మెల్సీ శంభీపూర్ రాజు ముఖ్య అతిథులుగా హాజరై నాయకులకు దిశానిర్దేశం చేశారు. అర్హులైన ప్రతి పట్టభద్రుడు ఓటరుగా నమోదు చేసుకోవాలని ఎమ్మెల్యే కోరగా, డివిజన్‌లో 3 వేల నుంచి 4 వేల ఓట్లు నమోదు చేయించేలా నాయకులంతా సమష్టిగా కృషి చేయాలని ఎమ్మెల్సీ సూచించారు. పట్టభద్రుల మద్దతు బీఆర్ఎస్‌కు ఉండేలా కృషి చేయాలని పిలుపునిచ్చారు. మాజీ కార్పొరేటర్ బొబ్బ నవతరెడ్డితో పాటు డివిజన్ ముఖ్య నాయకులు పాల్గొన్నారు.