రాప్తాడు ఘటనపై సమగ్ర దర్యాప్తు చేయాలి. బాధ్యులైన వారిని కఠినంగా శిక్షించాలి

ఆళ్లగడ్డ మేజర్ న్యూస్;ఉమ్మడి అనంతపురం జిల్లా రాప్తాడు ప్రభుత్వ పాఠశాలలో బాలికలపై జరిగిన దాడి రాష్ట్రవ్యాప్తంగా తీవ్ర కలకలం రేపిందని తరగతి గదిలోనే బాలికలపై దాడి చేయడం అత్యంత దారుణమని కర్నూలు ఉమ్మడి జిల్లా మాజీ ఉపాధ్యక్షులు గూడూరు సంజీవరాయుడు ఆదివారంఆవేదన వ్యక్తం చేశారు.ఈ ఘటనపై సమగ్ర విచారణ జరిపి, బాధ్యులపై కఠిన చర్యలు తీసుకోవాలని ఆయన డిమాండ్ చేశారు. రాష్ట్రంలోని అన్ని పాఠశాలలు, కళాశాలల్లో పటిష్టమైన భద్రతా ఏర్పాట్లు చేయాలని ప్రభుత్వాన్ని కోరారు. బాధిత బాలికలకు మెరుగైన వైద్యం, న్యాయ సహాయం అందించాలని స్పష్టం చేశారు. ఈ ఘటనకు కారణమైన వారిని ప్రభుత్వం కఠినంగా శిక్షించాలని ఆయన డిమాండ్ చేశారు.బాలికలకు న్యాయం జరిగే వరకు తమ పోరాటం కొనసాగుతుందని గూడూరు సంజీవరాయుడు స్పష్టం చేశారు.

శ్రీనివాస్ ఆళ్లగడ్డ నంద్యాల జిల్లా