భట్టిప్రోలు, ఇంటూరు గ్రామాల్లో ఎమ్మెల్యే ఆనంద బాబు విస్తృత ప్రచారం

భట్టిప్రోలు, మేజర్ న్యూస్: స్థానిక సంస్థల ఎన్నికల ప్రచారంలో భాగంగా వేమూరు ఎమ్మెల్యే, మాజీ మంత్రి నక్కా ఆనంద బాబు ఆదివారం భట్టిప్రోలు మండలం భట్టిప్రోలు, అమృతలూరు మండలం ఇంటూరు గ్రామాల్లో ఇంటింటి ప్రచారం నిర్వహించారు.
భట్టిప్రోలు గ్రామంలో ఎంపీటీసీ  సెగ్మెంట్-3 అభ్యర్థి గాత్రం సౌమ్య శ్రీ,సెగ్మెంట్-1 కట్టా కృష్ణ, సెగ్మెంట్-2 మండూరు సునీల్ బాబు, సెగ్మెంట్-4 కటకం కుమారస్వామి విజయాన్ని కాంక్షిస్తూ ఓటర్లను కలిసి కరపత్రాలు పంపిణీ చేశారు. జడ్పిటిసి  అభ్యర్థి నక్కా శ్రీనివాసరావుకు సైకిల్ గుర్తుపై ఓటు వేసి అత్యధిక మెజారిటీతో గెలిపించాలని కోరారు. అమృతలూరు మండలం ఇంటూరు గ్రామంలో ఎంపీటీసీ  సెగ్మెంట్-1 పాములపాడు చంద్రిక భవాని, సెగ్మెంట్-2 జాలాది వెంకటయ్య,అమృతలూరు జడ్పిటిసి  అభ్యర్థి పల్లెంపాటి బాలాజీలకు ఓటు వేసి గెలిపించాలని ఇంటింటికీ తిరిగి ప్రచారం చేశారు.ఈ సందర్భంగా ఎమ్మెల్యే మాట్లాడుతూ - కూటమి అభ్యర్థులు గెలిస్తేనే గ్రామాల అభివృద్ధి సాధ్యమని, టిడిపి అభ్యర్థులకు సైకిల్ గుర్తుపై, జనసేనకు గ్లాసు గుర్తుపై, బిజెపికి  కమలం గుర్తుపై ఓటు వేసి గెలిపించాలని కోరారు. ప్రచారంలో కూటమి నాయకులు, కార్యకర్తలు పాల్గొన్నారు.