గూడెం పుష్కర ఘాట్‌ను పరిశీలించిన జిల్లా కలెక్టర్ కుమార్ దీపక్

 

​దండేపల్లి ;;మంచిర్యాల జిల్లా దండేపల్లి మండలంలోని ప్రసిద్ధ గూడెం గుట్ట గోదావరి పుష్కర ఘాట్‌ను జిల్లా కలెక్టర్ కుమార్ దీపక్ ఆదివారం సందర్శించారు. ఈ సందర్భంగా అక్కడ జరుగుతున్న అభివృద్ధి పనులను పరిశీలించి, అధికారులకు కీలక ఆదేశాలు జారీ చేశారు. ఘాట్ నిర్మాణాలు పటిష్టమైన నాణ్యతా ప్రమాణాలతో నిర్ణీత గడువులోగా పూర్తి కావాలని తేల్చిచెప్పారు.​పుష్కరాల సమయంలో భక్తులకు ఎలాంటి అసౌకర్యం కలగకుండా అన్ని మౌలిక వసతులు కల్పించాలని స్పష్టం చేశారు. ముఖ్యంగా మహిళల సౌకర్యార్థం ప్రత్యేక డ్రెస్సింగ్ రూమ్‌లు, మరుగుదొడ్లతో పాటు తాగునీరు, మెరుగైన పారిశుద్ధ్యం, భద్రతా ఏర్పాట్లను అత్యంత పకడ్బందీగా చేపట్టాలని సూచించారు.