టీడీపీ యువ నాయకుడు కర్రి మణికుమార్ మృతి తీవ్ర విషాదం - ఎమ్మెల్యే వంశీకృష్ణ సంతాపం

విశాఖపట్నం, సూర్య : విశాఖ దక్షిణ నియోజకవర్గం, 34వ వార్డుకు చెందిన టీడీపీ యువ నాయకుడు  కర్రి మణికుమార్ఆ కస్మిక మృతి వార్త తీవ్ర విషాదాన్ని కలిగించింది. విషయం తెలియగానే దక్షిణ ఎమ్మెల్యే, జనసేన విశాఖ నగర అధ్యక్షులు వంశీకృష్ణ శ్రీనివాస్  గన్నేరు వీధిలోని మణికుమార్ నివాసానికి వెళ్లి కుటుంబ సభ్యులను పరామర్శించి, తన ప్రగాఢ సానుభూతిని తెలియజేశారు. ఈ సందర్భంగా ఎమ్మెల్యే వంశీకృష్ణ మాట్లాడుతూ… “మణికుమార్ లాంటి యువ నాయకుడిని కోల్పోవడం కూటమికి, పార్టీకి తీరని లోటు. చిన్న వయసులోనే పార్టీ కోసం, ప్రజల కోసం ఎంతో నిబద్ధతతో పని చేసిన వ్యక్తి. ఆయన మరణం మమ్మల్ని, అందరినీ తీవ్రంగా కలచివేసింది.” "ఈ కష్ట సమయంలో మణికుమార్  కుటుంబానికి కూటమి ఎల్లప్పుడూ అండగా ఉంటుంది. ఆయన ఆత్మకు శాంతి చేకూరాలని, కుటుంబ సభ్యులకు ఆ భగవంతుడు మనోధైర్యాన్ని ఇవ్వాలని ప్రార్థిస్తున్నాను." అని అన్నారు. ఈ కార్యక్రమంలో స్థానిక కార్పొరేటర్లు మాడిపోగు మేరీ జోన్స్ రాజు,  జెర్రిపోతుల ప్రసాద్, కూటమి నాయకులు పాల్గొని నివాళులర్పించారు.