నేరేడుచర్లలో రోడ్డు ప్రమాదం.. వృద్ధుడు మృతి పల్సర్ బైక్‌ యూటర్న్‌తో ప్రమాదం.. మరొకరికి తీవ్ర గాయాలు కేసు నమోదు చేసి దర్యాప్తు చేస్తున్న ఎస్ఐ గోపాల్ రెడ్డి
నేరేడుచర్లలో రోడ్డు ప్రమాదం.. వృద్ధుడు మృతి
పల్సర్ బైక్‌ యూటర్న్‌తో ప్రమాదం.. మరొకరికి తీవ్ర గాయాలు
కేసు నమోదు చేసి దర్యాప్తు చేస్తున్న ఎస్ఐ గోపాల్ రెడ్డి
నేరేడుచర్ల మేజర్ న్యూస్
నేరేడుచర్ల ఆర్టీసీ బస్టాండ్ సమీపంలో జరిగిన రోడ్డు ప్రమాదంలో గరిడేపల్లి గ్రామానికి చెందిన పగిళ్ల అంజయ్య (66) మృతి చెందగా, ఎడవెల్లి నరసయ్య తీవ్రంగా గాయపడ్డాడు.పోలీసుల వివరాల ప్రకారం.. ఈ నెల 7న కల్లూరు గ్రామంలో బంధువు అంత్యక్రియలకు హాజరై ద్విచక్రవాహనంపై తిరిగి వెళ్తుండగా, ముందుగా వెళ్తున్న పల్సర్ బైక్‌ నడిపిన వ్యక్తి ఎలాంటి సంకేతాలు ఇవ్వకుండా అకస్మాత్తుగా యూటర్న్ తీసుకోవడంతో ప్రమాదం జరిగింది.ఈ ఘటనలో తీవ్రంగా గాయపడిన అంజయ్య మిర్యాలగూడ ఆసుపత్రిలో చికిత్స పొందుతూ రాత్రి 7 గంటలకు మృతి చెందాడు. నరసయ్య ప్రస్తుతం ఖమ్మంలోని మమత ఆసుపత్రిలో చికిత్స పొందుతున్నాడు.మృతుడి భార్య పగిళ్ల జానకమ్మ ఫిర్యాదు మేరకు కేసు నమోదు చేసి దర్యాప్తు చేపట్టినట్లు నేరేడుచర్ల ఎస్ఐ చి. గోపాల్ రెడ్డి తెలిపారు.
