దీపావళి సందర్బంగా మేయర్ ప్రత్యేక పూజలు

సూర్య మంచిర్యాల: దీపావళి పండుగ సందర్భంగా మంచిర్యాల మున్సిపల్ కార్పొరేషన్ మేయర్ దర్ని మధుకర్  తన స్వగృహంలో ప్రత్యేక పూజలు నిర్వహించారు.అనంతరం కుటుంబ సభ్యులతో కలిసి దీపావళి వేడుకలను ఘనంగా జరుపుకున్నారు. ఇంటిని దీపాలతో అలంకరించి, ఆనందోత్సాహాల మధ్య పండుగను జరుపుకున్నారు.ఈ సందర్భంగా మేయర్ మంచిర్యాల మున్సిపల్ కార్పొరేషన్ పరిధిలోని అన్ని డివిజన్ల కార్పొరేటర్లు, కో-ఆప్షన్ సభ్యులు, ప్రజా ప్రతినిధులు,అధికారులు, సిబ్బంది, కాంగ్రెస్ పార్టీ నాయకులు,కాంగ్రెస్ పార్టీ అనుబంధ సంఘాల నాయకులు,ప్రజలు, మహిళలు మరియు ప్రింట్ & ఎలక్ట్రానిక్ మీడియా ప్రతినిధులకు దీపావళి పండుగ శుభాకాంక్షలు తెలియజేశారు.వారందరూ వారి కుటుంబ సభ్యులతో కలిసి అష్టైశ్వర్యాలతో, ఆయురారోగ్యాలతో ఉండాలని ఆ భగవంతుణ్ణి ప్రార్థించినట్లు ఆయన తెలిపారు.