telangana
పటాన్చెరులో దీపాల వెలుగుల్లో దీపావళి సంబరాలు
పటాన్చెరు:పటాన్చెరు పట్టణంతో పాటు పరిసర గ్రామాల్లో దీపావళి పండుగను ప్రజలు ఆనందోత్సాహాల మధ్య జరుపుకున్నారు. ఇళ్ల ముందు రంగురంగుల ముగ్గులు వేసి దీపాలు వెలిగించారు. బాణసంచా కాల్చుతూ చిన్నారులు, యువత సందడి చేశారు. దీపాల కాంతులతో కాలనీలు,వీధులు పండుగ శోభను సంతరించుకున్నాయి. ప్రజలు కుటుంబ సభ్యులు, బంధుమిత్రులతో కలిసి మిఠాయిలు పంచుకుంటూ దీపావళి శుభాకాంక్షలు తెలుపుకున్నారు.
