దీపావళి సంబరాల్లో కలెక్టర్ ప్రతిమ సింగ్ దంపతులు.. ఆనందోత్సాహాల మధ్య పండుగ వేడుకలు

మెదక్ ; దీపావళి పర్వదినాన్ని పురస్కరించుకుని మెదక్ జిల్లా కలెక్టర్ ప్రతిమ సింగ్ దంపతులు పండుగ సంబరాలను ఆనందోత్సాహాల మధ్య జరుపుకున్నారు. దీపావళి సందర్భంగా సంప్రదాయబద్ధంగా దీపాలు వెలిగించి పండుగ వేడుకల్లో పాల్గొన్నారు.ఈ సందర్భంగా కుటుంబ సభ్యులతో కలిసి ఆనందంగా గడుపుతూ దీపావళి పండుగ విశిష్టతను చాటారు. చెడుపై మంచి సాధించిన విజయానికి ప్రతీకగా నిలిచే దీపావళి ప్రతి ఒక్కరి జీవితాల్లో వెలుగులు నింపాలని ఆకాంక్షించారు.జిల్లా ప్రజలందరికీ దీపావళి శుభాకాంక్షలు తెలియజేస్తూ, ప్రతి కుటుంబంలో సుఖసంతోషాలు, ఆయురారోగ్యాలు, సిరిసంపదలు వెల్లివిరియాలని ఆకాంక్షించారు.వెలుగుల పండుగలో కలెక్టర్ దంపతుల సందడి ప్రత్యేక ఆకర్షణగా నిలిచింది.