ప్రజా తీర్పుతో విజయం… అభివృద్ధి దిశగా మరో అడుగు

                                       విజేతలకు బూరుగుపల్లి శేషారావు దంపతుల ఘన సత్కారం..

పెరవలి మేజర్ న్యూస్ :తూర్పుగోదావరి జిల్లా నిడదవోలు నియోజకవర్గ పరిధిలోని పెరవలి, ఉండ్రాజవరం, నిడదవోలు మండలాల్లో జడ్పీటీసీ, ఎంపీటీసీ ఎన్నికల్లో విజయం సాధించిన కూటమి ప్రజాప్రతినిధులు నవంబర్ 7వ తేదీ శనివారం సాయంత్రం ఆంధ్రప్రదేశ్ నైపుణ్యాభివృద్ధి సంస్థ చైర్మన్, నిడదవోలు నియోజకవర్గ తెలుగుదేశం పార్టీ ఇన్‌చార్జి బూరుగుపల్లి శేషారావును మర్యాదపూర్వకంగా కలిశారు.ఈ సందర్భంగా బూరుగుపల్లి శేషారావు దంపతులు విజయం సాధించిన ప్రజాప్రతినిధులందరినీ ఘనంగా సత్కరించి, హృదయపూర్వక శుభాకాంక్షలు తెలియజేశారు.ప్రజలు తమపై ఉంచిన నమ్మకాన్ని, విశ్వాసాన్ని నిలబెట్టుకుంటూ ప్రజా సమస్యల పరిష్కారానికి అంకితభావంతో పనిచేయాలని సూచించారు. గ్రామాల్లో మౌలిక సదుపాయాల కల్పనకు, అభివృద్ధి కార్యక్రమాల అమలుకు మరింత ఉత్సాహంతో కృషి చేయాలని పిలుపునిచ్చారు.ప్రజా తీర్పు బాధ్యతను గుర్తించి, ప్రజలకు అందుబాటులో ఉంటూ నియోజకవర్గ అభివృద్ధిలో భాగస్వాములు కావాలని విజేతలకు శేషారావు దంపతులు ఆకాంక్షించారు.