మంత్రి దుర్గేష్‌ను కలిసిన కానూరు అగ్రహారం ఎంపీటీసీ విజేత
పెరవలి మేజర్ న్యూస్ తూర్పుగోదావరి జిల్లా నిడదవోలు నియోజకవర్గం పెరవలి మండలం కానూరు అగ్రహారం గ్రామ కూటమి ఎంపీటీసీ అభ్యర్థిగా శ్రీమతి దాసం నరసవేణి 471 ఓట్ల భారీ మెజారిటీతో ఘన విజయం సాధించారు.విజయం సాధించిన అనంతరం నవంబర్ 7వ తేదీ శనివారం రాష్ట్ర పర్యాటక, సాంస్కృతిక మరియు సినిమాటోగ్రఫీ శాఖ మంత్రి కందుల దుర్గేష్‌ను దాసం నరసవేణి మర్యాదపూర్వకంగా కలిశారు.ఈ సందర్భంగా మంత్రి కందుల దుర్గేష్, దాసం నరసవేణి సుబ్రహ్మణ్యం దంపతులకు అభినందనలు తెలియజేశారు. స్థానిక సంస్థల ఎన్నికల్లో అఖండ మెజారిటీతో విజయం సాధించడం పట్ల హర్షం వ్యక్తం చేశారు.అలాగే కూటమి ప్రభుత్వంపై విశ్వాసంతో ఆశీర్వదించి, అఖండ విజయాన్ని అందించిన నిడదవోలు నియోజకవర్గ ప్రజలకు మంత్రి కందుల దుర్గేష్ ప్రత్యేక కృతజ్ఞతలు తెలిపారు. ప్రజలు తమపై ఉంచిన నమ్మకాన్ని నిలబెట్టుకుంటూ గ్రామాల అభివృద్ధికి, ప్రజా సమస్యల పరిష్కారానికి విజేతలు కృషి చేయాలని ఆకాంక్షించారు.
