బీజేపీ రాష్ట్ర కార్యాలయంలో ఘనంగా దీపావళి వేడుకలు
విజయవాడ, మేజర్ న్యూస్: భారతీయ జనతా పార్టీ రాష్ట్ర కార్యాలయంలో ఆదివారం దీపావళి వేడుకలు ఘనంగా నిర్వహించారు. రెండు తెలుగు రాష్ట్రాల సంఘటనా ప్రధాన కార్యదర్శి మధుకర్ జీ ఆధ్వర్యంలో జరిగిన ఈ వేడుకల్లో పార్టీ నాయకులు, కార్యకర్తలు ఉత్సాహంగా పాల్గొన్నారు.
ఇటీవల జరిగిన స్థానిక సంస్థల ఎన్నికల్లో విజయం సాధించిన నూతన కార్పొరేటర్లు, జెడ్పీటీసీలతో కలిసి నాయకులు బాణసంచా కాల్చి దీపావళి సంబరాలు జరుపుకున్నారు. ఈ సందర్భంగా నాయకులు, నూతన ప్రజాప్రతినిధులు పరస్పరం శుభాకాంక్షలు తెలియజేసుకున్నారు. ప్రజలకు మరింత మెరుగైన సేవలు అందిస్తూ పార్టీ కార్యక్రమాలను ముందుకు తీసుకెళ్లాలని ఆకాంక్షించారు.
ఈ కార్యక్రమంలో ఎన్టీఆర్ జిల్లా బీజేపీ అధ్యక్షుడు, విజయవాడ కార్పొరేటర్ అడ్డూరి శ్రీరామ్, పిట్టల గోవింద్, ఏలూరు జిల్లా అధ్యక్షుడు, పెదపాడు జెడ్పీటీసీ విక్రమ్ కిషోర్, జెడ్పీటీసీ నూతలపాటి బాలకోటేశ్వరరావు తదితర పార్టీ నాయకులు పాల్గొన్నారు.
స్టాఫ్ రిపోర్టర్: ✍️ ప్రేమ్ రాజ్, విజయవాడ, ఎన్టీఆర్ జిల్లా.
