telangana
సూర్యాపేట జిల్లాలో ఘోర రోడ్డు ప్రమాదం: డీసీఎం ఢీకొని ఇద్దరు యువకులు మృతి
సూర్యాపేట జిల్లా కోదాడ మండలం తమ్మర శివారులో సోమవారం ఘోర రోడ్డు ప్రమాదం చోటుచేసుకుంది. వేగంగా వచ్చిన ఒక డీసీఎం (DCM) వాహనం ద్విచక్రవాహనాన్ని బలంగా ఢీకొట్టింది.
ఈ ప్రమాదంలో బైక్‌పై ప్రయాణిస్తున్న ఇద్దరు యువకులు అక్కడికక్కడే మృతి చెందారు. మృతులను అనంతగిరి మండలం కొత్తగూడెం గ్రామానికి చెందిన భూక్య నవీన్, భూక్య ప్రసాద్‌లుగా పోలీసులు గుర్తించారు. సమాచారం అందుకున్న పోలీసులు ఘటన స్థలానికి చేరుకుని కేసు నమోదు చేసి దర్యాప్తు ప్రారంభించారు.
