అజ్జరం ఎంపీటీసీ గంటి శ్రీనుకు మంత్రి కందుల దుర్గేష్ అభినందన

పెరవలి మేజర్ న్యూస్ :తూర్పుగోదావరి జిల్లా నిడదవోలు నియోజకవర్గం పెరవలి మండలం అజ్జరం గ్రామ కూటమి ఎంపీటీసీ అభ్యర్థిగా పోటీ చేసిన గంటి శ్రీను 744 ఓట్ల మెజారిటీతో ఘన విజయం సాధించారు.ఈ సందర్భంగా నవంబర్ 8వ తేదీ ఆదివారం రాష్ట్ర పర్యాటక, సాంస్కృతిక మరియు సినిమాటోగ్రఫీ శాఖ మంత్రి కందుల దుర్గేష్‌ను గంటి శ్రీను జనసేన నాయకులు దేవ పవన్ కుమార్, శివశంకర్, ఇతర జనసైనికులతో కలిసి మర్యాదపూర్వకంగా కలిశారు.స్థానిక సంస్థల ఎన్నికల్లో విజయం సాధించిన గంటి శ్రీనుకు మంత్రి కందుల దుర్గేష్ అభినందనలు తెలియజేశారు. అలాగే కూటమి ప్రభుత్వానికి మద్దతుగా నిలిచి, ఆశీర్వదించి విజయాన్ని అందించిన నిడదవోలు నియోజకవర్గ ప్రజలకు మంత్రి ప్రత్యేక కృతజ్ఞతలు తెలిపారు. ప్రజల నమ్మకాన్ని నిలబెట్టుకుంటూ గ్రామాల అభివృద్ధికి కృషి చేయాలని ఈ సందర్భంగా ఆకాంక్షించారు.