శ్రీరామ్ చినబాబును సన్మానించిన జబ్బల మీనా : పరస్పరం శుభాకాంక్షలు తెలుపుకున్న నేతలు

మదనపల్లి,మేజర్ న్యూస్ : స్థానిక సంస్థల ఎన్నికల్లో కూటమి బలపరిచిన ములకలచెరువు జడ్పీటీసీ స్థానం నుండి ఘనవిజయం సాధించిన బీజేపీ ఓబీసీ మోర్చా జాతీయ నాయకులు జబ్బల శ్రీనివాసులు సతీమణి జబ్బల మీనా కుటుంబ సమేతంగా తెలుగు యువత రాష్ట్ర అధ్యక్షులు,మదనపల్లి మున్సిపల్ చైర్మన్ గుండ్లపల్లి శ్రీరామ్ చినబాబు  స్వగృహంలో ఆదివారం ఆత్మీయంగా కలుసుకున్నారు.ఈ సందర్భంగా ఆమె విజయాన్ని పురస్కరించుకుని శుభాకాంక్షలు తెలియజేస్తూ,ప్రజాసేవలో మరింత విజయవంతంగా ముందుకు సాగాలని ఆకాంక్షించారు.ఈ సందర్భంగా జబ్బల శ్రీనివాసులు మాట్లాడుతూ మునిసిపల్ ఎన్నికలలో అఖండ విజయం సాధించి మదనపల్లి మునిసిపల్ ఛైర్మన్ పీఠం కైవసం చేసుకోవడం ద్వారా శ్రీరామ్ చినబాబు చరిత్ర సృష్టించారని కొనియాడారు.ఆయన సారధ్యంలో మదనపల్లి అభివృద్ధి సరికొట్టి పుంతలు తొక్కుతుందని ధీమా వ్యక్తం చేశారు.అనంతరం శ్రీరామ్ చినబాబు మాట్లాడుతూ జబ్బల శ్రీనివాసులు రాజకీయాలలో సుదీర్ఘ అనుభవం కలిగిన వ్యక్తి అని,బలమైన బీసీ నేతగా తన సత్తాను ఢిల్లీకి చాటారని ప్రశంసించారు.ఆయన సతీమణి జబ్బల మీనా ములకలచెరువు జడ్పిటిసిగా ఘన విజయం సాధించడం శుభపరిణామమన్నారు.ఆమె సారధ్యంలో ములకలచెరువు మండలం అభివృద్ధి పథంలో నడవాలని ఆకాంక్షించారు.ఈ కార్యక్రమంలో జబ్బల సాయి,డాక్టర్ మర్రిపాటి రమేష్,రాటకొండ శ్రీనివాసులు నాయుడు,కదిరి రాజకుమార్,ప్రభు కురబ గౌడ,జి.వి.నాయుడు,బిజెపి యువ నాయకుడు శ్రీకాంత్ తదితరులు పాల్గొన్నారు.

రిపోర్టర్ : కే.ఈశ్వర్ రెడ్డి,మదనపల్లి నియోజకవర్గం ఇంచార్జి