సి సి గిరి ఎంపీటీసీగా అనిలమ్మ ఘన విజయం

సి సి గిరి ఎంపీటీసీగా అనిలమ్మ ఘన విజయం

613 ఓట్ల భారీ మెజారిటీతో అఖండ గెలుపు

గుడిబండ మండలం సీసీ గిరి ఎంపీటీసీ స్థానంలో కూటమి అభ్యర్థి అనిలమ్మ 613 ఓట్ల భారీ మెజారిటీతో ఘన విజయం సాధించారు. జిల్లా ఎస్సీ సెల్ అధ్యక్షులు మంజునాథ్ సతీమణి అనిలమ్మ ఈ విజయం సాధించడంతో సీసీ గిరి గ్రామపంచాయతీ పరిధిలోని బైరేపల్లి, పీసీ గిరి, సీసీ గిరి గ్రామాల్లో నాయకులు, కార్యకర్తలు, ప్రజలు, మహిళలు హర్షం వ్యక్తం చేస్తూ ఆమెకు శుభాకాంక్షలు తెలిపారు.ఈ సందర్భంగా అనిలమ్మ మాట్లాడుతూ.. తనపై నమ్మకం ఉంచి, ప్రేమాభిమానాలతో అఖండ విజయాన్ని అందించిన సీసీ గిరి గ్రామపంచాయతీ ప్రజలకు జీవితాంతం రుణపడి ఉంటానని తెలిపారు. ఈ విజయం తన ఒక్కరిదే కాదని, సీసీ గిరి గ్రామ ప్రజలందరి విజయమని పేర్కొన్నారు.ప్రజలు తనపై ఉంచిన నమ్మకాన్ని నిలబెట్టుకుంటూ గ్రామ అభివృద్ధికి, ప్రజా సంక్షేమానికి నిరంతరం కృషి చేస్తానని హామీ ఇచ్చారు. తన విజయానికి సహకరించిన పార్టీ నాయకులకు, కార్యకర్తలకు, మహిళలకు, ఓటు వేసి ఆశీర్వదించిన ప్రతి ఒక్కరికీ పేరుపేరునా హృదయపూర్వక ధన్యవాదాలు తెలిపారు.అనిలమ్మ ఘన విజయం సాధించడంతో సీసీ గిరి గ్రామపంచాయతీ పరిధిలో పండుగ వాతావరణం నెలకొంది.