రోడ్డు ప్రమాదంలో సాఫ్ట్‌వేర్ యువకుడు మృతి ఆటోను ఢీకొన్న ద్విచక్ర వాహనం.. మరో యువకుడికి తీవ్ర గాయాలు
పలమనేరు మేజర్ న్యూస్ బంధువుల అంత్యక్రియలకు హాజరయ్యేందుకు వచ్చిన ఇద్దరు యువకులు రోడ్డు ప్రమాదానికి గురయ్యారు. ఈ ఘటనలో సాఫ్ట్‌వేర్ ఉద్యోగిగా పనిచేస్తున్న యశ్వంత్ చౌదరి (25) మృతి చెందగా, మరో యువకుడు తీవ్రంగా గాయపడ్డాడు. ఈ ప్రమాదం పలమనేరు–గుడియాత్తం రోడ్డులో చోటుచేసుకుంది. పలమనేరు అర్బన్ సీఐ మోహన్ రెడ్డి తెలిపిన వివరాల ప్రకారం.. పుంగనూరు పట్టణానికి చెందిన యశ్వంత్ చౌదరి, రామకుప్పం మండలానికి చెందిన చైతన్య బంధువుల అంత్యక్రియలకు హాజరయ్యేందుకు వచ్చారు. ఈ క్రమంలో భోజనం తీసుకుని ద్విచక్ర వాహనంపై గుడియాత్తం రోడ్డు వైపు వెళ్తుండగా ఎదురుగా వచ్చిన ఆటోను ఢీకొట్టారు. ఈ ప్రమాదంలో యశ్వంత్ చౌదరికి తీవ్ర గాయాలై మృతి చెందగా, చైతన్యకు తీవ్ర గాయాలయ్యాయి.గాయపడిన చైతన్యను చికిత్స నిమిత్తం ఆసుపత్రికి తరలించారు. ఈ ఘటనపై పలమనేరు అర్బన్ ఎస్‌ఐ రాజశేఖర్ రెడ్డి కేసు నమోదు చేసి దర్యాప్తు చేపట్టారు.
అనిల్ కుమార్ యాదవ్
