ఘనంగా నెహ్రూ జయంతి వేడుకలు

సూర్య జైనూర్ : సిర్పూర్ (యూ) మండలంలో భారత తొలి ప్రధాని పండిట్ జవహర్‌లాల్ నెహ్రూ జయంతి వేడుకలను మార్కెట్ కమిటీ చైర్మన్ విశ్వనాథ్ రావు ఆధ్వర్యంలో ఘనంగా నిర్వహించారు. ఈ సందర్భంగా నెహ్రూ చిత్రపటానికి పూలమాలలు వేసి నివాళులర్పించారు. దేశ స్వాతంత్ర్య ఉద్యమంలో నెహ్రూ పోషించిన పాత్రను, దేశ అభివృద్ధికి చేసిన సేవలను నాయకులు స్మరించుకున్నారు.ఈ కార్యక్రమంలో ఆత్రం దావల్త్ రావు ,ఆత్రం నాగోరావు, ఉపసర్పంచ్ రామారావు, జగ్గారావు, దేవీదాస్, డైరెక్టర్ లచ్చన్న, గణపత్, భూపతి,ఆరిఫ్ కుమారం అంబరావు తదితరులు పాల్గొన్నారు.