బాలల భవిష్యత్తుకు బంగారు బాటలు వేయాలి

భోగాపురం, మేజర్ న్యూస్:భోగాపురం మండల కేంద్రంలోని శ్రీ సాయినారాయణ హైస్కూల్‌లో జాతీయ బాలల దినోత్సవ వేడుకలు ఉత్సాహభరిత వాతావరణంలో ఘనంగా నిర్వహించారు. ఈ సందర్భంగా పాఠశాల ఆవరణ చిన్నారుల సందడి, ఆనందోత్సాహాలతో కళకళలాడింది. పాఠశాల డైరెక్టర్లు టి. సుధీర్, అరుణ మాట్లాడుతూ.. బాలలే దేశ భవిష్యత్తుకు పునాదులని, వారిలో దాగి ఉన్న ప్రతిభను వెలికితీసి, సృజనాత్మకతకు పదును పెట్టేలా విద్యాబోధన సాగాలని అన్నారు. ప్రతి విద్యార్థి విద్యతో పాటు క్రమశిక్షణ, నైతిక విలువలు, సేవాభావాన్ని అలవర్చుకోవాలని సూచించారు. పిల్లలకు నాణ్యమైన విద్యను అందిస్తూ వారి ఆశయాలకు అనుగుణంగా ఎదిగేందుకు ఉపాధ్యాయులు, తల్లిదండ్రులు నిరంతరం ప్రోత్సాహం అందించాలని పేర్కొన్నారు.

ఈ సందర్భంగా విద్యార్థులకు బాలల దినోత్సవ శుభాకాంక్షలు తెలియజేస్తూ, వారి ఉజ్వల భవిష్యత్తును ఆకాంక్షించారు. కార్యక్రమంలో పాఠశాల పీఈటీ శివప్రసాద్ ఉపాధ్యాయసిబ్బంది, విద్యార్థులు పాల్గొన్నారు.

రిపోర్టర్: శ్రీనివాస్ భోగాపురం.